SEE intspeati 84 mil ukatechani uetarhenchantskuecheri útiles escolares arhikatecha.
2022-11-04 03:25:49
- Intsinatisï jorhemperakuecharhu preescolares, primarias ka secundarias arhikatecharhu iamintu erechikueri, ka sontkusï intsïnati jima enki santarusï uetarhenchanaka
Morelia, Mich.- Jimpoka uekajkasi jarhoatani jorhenkuarhikuarhu sapichani ka tumpichani, Secretaría de Educación del Estado (SEE) arhikata, intspeati _84 mil 500 ukatechani útiles escolares arhikatecha, enki jorhemperakuecharhu sapicheri intspeaka.
Uranasti 48 millones de pesos arhikatecha, jimpoki imankuni untaskasi tsini ukatechani, tsanki anchitauakasï jorhenkuarhikuarhu sapicheri ari kutsitki. Arhintapani tsani karákatechani kurhajperikueri ampe, intsïnauatisï iapuru isï, ka sontkusï intsinati jorhemperakuecharhu enki iauansï jaka, ka enki santarusï uetarhenchanaka.
"Tumina urakuarhixati jima enki axamenajka, ka no isï enki uenani, enki no xarharampka nani enki urakuarhimpka, uekasïnkasi enki urakuarhiaka jorhenkuarhirichankuni ka jorhemperakuechankuni. Jimpoka uanekua ampesï uetarhenchajka", uantasti ima juramuti Jorhenkuarhikueri, Yarabí Ávila González.
Jinteuatisï 19 mil 45 ukatecha uetarhenchantskueri enki jima Prescolar arhikatarhu intsïnakasï; ka imarhu primero, segundo ka tercero imeri Primaria arhikatarhu, intsïnatisï 28 mil 862 ukatecha; ka cuarto, quinto ka sexto, intsïnatisï 21 mil 566; ka ima jorhemperakuecharhu secundaria arhikatecharhu panatisï 15 mil 121 ukatecha.
