SEE ka Segob menki jauenaxatisï uantontskuarhini orhejtsïkurichankuni jorhekuarhikueri orheta anapueri ampe
2022-11-08 21:27:34
Morelia, Mich.- Secretaría de Educación (SEE) ka ima Secretaría de Gobernación (Segob) arhikatecha, tankurhintastisï orhejtïkurichankuni jorhenkuarhikueri orheta anapueri ampe Sector Noveno arhikata.
I jurhiatikuarhu, tankuarhikua ma jatsïsti, orhejtsïkurichankuni ima juramuti jorhenkuarhikueri Yarabí Ávila González; ka ima Juramuti ma, erechikueri, Carlos Torres Piña, ka mataru juramuticha ixu anapuecha.
Iontkitisï uantontskuarhinati, tachani tatsekupakuecheri orhejtsikurichankuni, jimpoka ima kutsirhu julio, uantontkuarhinaxapti, na enki anchikuarhinauakasï.
Ma ampe enki uejka unani, jintesti axauani jorhemperichani iretecharhu orheta anapuecheri jimanki uetarhenchanakasï.
Jimposï, anchikuarhinati imankuni Unidad Estatal del Sistema para la Carrera de los Maestros y las Maestras (Uesicamm), ka Dirección de Personal y Nóminas arhikatechankuni, jimpoka uekanajka axauani jorhemperichani enki uenatikasi normal arhikatarhu anchitauani, jorhemperakuecharhu enki p'itarkuarhianakasï.
Ka jimajku, juramuti erechikueri uantasti enki menki jauenaka anchikuarhini ka uantontskuarhini tsechankuni, ka itku uantasti enki, anchikuarhikuecha sesikuankuni unaka, ka no isï enki iontkitisi unampka.
