Anchitakuankuni eratsekueri ma, meiampenati aguinaldo ka bono jorhemperichani: SEE
2022-12-10 01:24:05
- Jimpoka no isï unampka, i uexurhikua meiamunatisï iamintu jorhempericha
Morelia, Mich.- Jimpoka ampajpantanakasï incharini isï Secretaría de Educación del Estado (SEE) ka anchikuankuni juramutiri Alfredo Ramírez Bedolla, uaxastanasti sïranta convenio U080, imankuni axamenakasï i jurhiatikuecharhu meiampekuankuni ma uenai imeri aguinaldo ka bono navideño.
Jintesti eratsekua ma jarhoajperakua tumineri, enki iamintu anchikuarhichani meiamuauaka kotsikua, jimanki Juramukua Kotsikueri intspeka 332 millones de pesos ka Erechikueri 556 millones de pesos imankuni meiamunakasï 72 mil jorhempericha.
Eratsekuecha isï enki tarjetización ka credencialización anchikuarhiricheri, usïntisi enki kotsikua jarhoatakasïni tuminankuni, ka isï uni enki iamintu jorhempericha meiamunaka kani enki jinteka, ka no ukuarhiaka na enki iontkiti ukuarhinapka.
Juramuti Erechikueri Alfredo Ramírez Bedolla ka jorhenkuarhikueri Gabriela Molina Aguilar, menki jauenasïntisi sesikua jinkoni anchikuarhini, ka isï chutani k'uarhutperakuani, ka isï uni enki ampakiti jorhenkuarhikua intsïnaka sapicha.
