SEE etsakusïnti guía para la salud mental jorhemperakuecharhu
2022-12-13 01:31:37
- I Erechikua jarhotasïnti eratsekuani kotsikueri ka imankuni anchikuarhisïnti sesikua jimpueri jorhenkuarhiricheri
Morelia, Mich.- Jimpoka uekanajka enki sesi nitamaka tumpicha, ka itku enki uejkasï santaru ampe jorhentani jorhemperichani na enki erojparhutakasi adicciones arhikatechani, Secretaría de Educación del Estado (SEE) anchikuarhisïnti majku Estrategia Nacional de Prevención de Adicciones imankuni "Guía de prevención y abordaje de la salud mental y consumo de sustancias psicoactivas".
Juramuticha tachani jorhemperakuecheri jinteuatisï tsanki etsakuaka jima enki anchikuarhijkasï i Erechikuarhu; ka itku p'imarhiasïnkasi juramutichani, jorhemperichani, anchikuarhirichani, ka tatempechani sapicheri enki anchitakasï sesikua jimpo jorhenkuarhiricheri.
Sïrantarhu jukanaristi na enki jaxeka ka na enki erojparhutakasï p'amenchakuechani depresión, ansiedad, hiperactividad, la impulsividad ka mataruecha; ka itku jukanarhisti na enki nitamakasï: kumanchikuarhu isï ka jorhemperakuarhu isï.
Ka itku jukanarhisti anchikuechani imankuni erojparhutakasï, exeni naxani kani no sesi nitamaxakisï ka itku jukanarhisti nani ka neni enki uakasï uantajpani, enki ampe isï ukauarhenchanarajkasï.
Enkisï uejka sesimintu eranarhikuni tatsekupakuani ixuri uaka p'itanarhikuni https://www.gob.mx/salud/documentos/recursos-sobre-la-prevencion-del-suicidio, ka jimasturi exeaka mataru anchikuechani isï enki ima Guía de Prevención del Suicidio.
