SEE anchitasïnti eratsekua investigación educativa i Erechikuarhu
2023-01-22 19:30:07
- Imampu DGDIE anchitanastisï jorhenkuarhikuecha 89 iretecharhu
Morelia, Mich.- Imampu Dirección General de Desarrollo e Investigación Educativa (DGDIE), Secretaría de Educación del Estado (SEE) menki jauenasïnti anchikuarhikuechankuni eratsekueri, jorhemperakua ka eiampikua científica, tachani tankuarhikuechampu, jorhenkuarhikuechampu ka uantontskuarhikuechampu 89 iretecharhu i erechikueri.
Ma uexurhikuampu, tachani anchikuarhikuechampu anchitanastisï 9 mil jorhenkuarhiricheri, tres mil jorhempericheri, ka jorhenticha técnico-pedagógicos.
Juramuti jorhenkuarhikueri, Gabriela Molina Aguilar, uantasti enki uetarhejka jorhekuarhikua científica jauaka, jimpoka inkuni santaru uakasi miteni tachani ampe, enki ixusï uetarhejka ka isï untani anchikuarhikuechani imankuni sankani sankani arhiaka exeani.
Uexurhikuarhu enki nitamakasia, anchikuarhikuecha unastisï imankuni minarhikuakasi antisï xansi uemukuntajkisï tumpicha jorhemperakuecharhu, ka itku no sesi kantskueri iamintu jorhemperakuecharhu.
Jorhenti Nohemí Vargas Arreola, juramuti DGDIE anapu, uantasti enki iamintu ampe enki mitekasia anchikuarhikuechankuni, eratsenaxati ka isï uantani tachani tatsekupakuechani imankuni, menki jauenakasï mojtakuni eratsekua jorhenkuarhikueri i Erechikueri.
