Juramuticha i Erechikueri uaxastastisï sïranta ma ISSSTE arhikatankuni imankuni exerkuarhiakasï jorhemperichani enki notarusï anchikuarhijkia
2023-02-01 04:07:34
- Juramuticha ixu anapu ka imeri ISSTE uaxastastisï sïranta imankuni sesi nitamaka jorhempericha enki uemukuntakasia
Morelia, Mich.- Juramuticha i Erechikueri ka Instituto de Seguridad y Servicios Sociales de los Trabajadores del Estado (ISSSTE) iasï uaxastastisï jarhoajperakua ma, imankuni exerkuarhiakasï 5 300 jorhemperichani.
Juramuticha, Alfredo Ramírez Bedolla ka ISSSTE anapu, Pedro Zenteno Santaella, uaxastastisï jarhoajperakua, jimarhu Casa de Michoacán, p'ampeasti juramuti jorhenkuarhikueri Gabriela Molina Aguilar.
Juramuti i Erechikueri, uantasti enki anchikuarhijka jimpoka uetarhejka enki iamintu jorhempericha sesi nitamaka, ka i anchikuarhikuankuni isï eratsesïnti: "No sesi erankusïmpkasi enki nosï tsïnajperakua intsïnapirinka", uantasti.
Ka juramuti ISSSTE anapu, uantasti enki i juramukua sesi erankujka iamintuecha jimpoka k'uiripuekasï: "Isestia ka uetarhensïnti jarhoajpeni". Uantasti enki juramukua, eratsejka, sesi jajkuntani ka anchitani ISSSTE.
Ka juramuti jorhenkuarhikueri, Gabriela Molina Aguilar, uantasti enki uetarhejka jarhoajperani anchikuarhikuarhu sesi nitamakuarhu jorhempericheri, tsanki sontku meiamunajkasi jimpoka juramuticha erechikueri ka kotsïkueri majku anchikuarhijka.
Tankuarhikuarhu nierastisï secretario Finanzas y Administración anapu Luis Navarro García, juramukueri jimpo, Carlos Torres Piña, Ka mataru k'uiripuecha juramukua jimpo.
