Anchitasïnti SEE sesi jajkukua jorhenkuarhikueri eretarhu isï
2023-02-15 18:21:28
- P'imarhitpesïnti uantontskuarhikuarhu imeri Miguel Pérez Ferra, Premio Extraordinario imampu K'erenchikua Murcia anapueri
Morelia, Mich.- Anchikuechankuni enki uinaperantajkasï jorhenkuarhikua ka tachani ampe enki miteka jorhempericha, Secretaria de Educación del Estado (SEE), p'imarhitpesïnti uantontskuarhikuarhu "La investigación autobiográfica cómo herramienta para abordar la realidad concreta de cada escuela".
Miguel Pérez Férrea eiampeati tachani ampe imeri anchikuarhikueri, jimanki uantajka enki uetarhejka eretarhu isï, uetenani sesi jajkuntani jorhenkuarhikua, k'uiripuechankuni enki jima erekasi ka tachani ampe enki jima isï jaka, ka exeni enki sesi nitamaka sapicha, jimpoka isï karákata jaka imarhu Nueva Escuela Mexicana (NEM).
Uantontskuarhikua jima Facebook imeri Dirección General de Desarrollo e Investigación Educativa isï petananauati (https://www.facebook.com/DGDIEMichoacan/), i jurhiatikuarhu ima jantu 12:00 atakuecharhu.
Miguel Pérez Ferra Jorhentisti imeri Filosofía y Ciencias de la Educación, ka intsïnasti ima Premio Extraordinario, imampu Universidad Murcia anapu, ka uexurhitki 2003 jorhemperisti K'erenchikuarhu Jaén anapu, ka jorhentisti imeri Diseño, Desarrollo e Innovación del Currículum; uantasti 60 artículos arhikatechani, takukukatechani, ka orhejtsïkuasïnti arhintskuechani Profesorado, Enseñanza & Teaching, Educación XXI, Comunicar ka matarhuecharhu.
