SEE menki jauenasïnti anchikuechani imankuni axauaka jorhemperichani jorhemperakuecharhu
2023-03-13 19:16:51
- Menki jauenasïntisi tatsekuapani juramukuechani, no ampe kuarhutperakuankuni, ka plataforma digital isï
Morelia, Mich.- Juramukuampu Juramuticheri ixu anapuecheri, Secretaría de Educación del Estado (SEE), intskuasti 200 jorhemperichani anchikua, ka enki naxani nitamanakaia juramukua intsïnastisia 2 mil 364 anchikuecha.
Iretecharhu jimanki nierakasia jorhempericha jintesti San Juan Nuevo, Tanhuato, Senguio ka Tancítaro. I jurhiatikuecharhu menki jauenati nierani jorhempericha jima enki uetarhejkasi.
Tatsekupani juramukuechani ka tachani tatsekupakuechani menki jaunasïnti sïranta intsïnani ordenes de adscripción arhikatecha enki, codigo 09 ka 99 jukanarhika; jimpoka uekanajka enki sapicha menki jauenaka jorhentanani.
Ka itku eratsekua ma unaxati imankuni chutakasi kuarhutperakuani, isï enki isku motsekua jorhemperakuecheri, ka itku uaxastakuarhu plataforma digital ma arhikateri jimanki iamintu ampe jauaka jorhemperakuecheri.
Enki na uantaka juramuticha Alfredo Ramírez Bedolla ka Gabriela Molina Aguilar, menki jauenasïnti sesikua jinkoni jorhenkuarhikuarhu, jimpoka inkuni santaru sesi pajperakua ka nitamakua jauaka.
