Targetización marhoakuati jorhemperichani ka chutati kuarhutperakuani: SEE
2023-03-13 23:53:01
- Sano 97% anchikuarhiricha jorhenkuarhikueri mojtakustisïa na enki meiamunajkasi
Morelia, Mich.- Jimpoka uanekua jorhempericha isï uejka menki jauenasïnti mojtakukua meiamperakueri jorhempericheri i erechikueri anapuecha, anchikua enki eratsekuankunika chutakua kuarhutperakueri Secretaría de Educación del Estado (SEE) anapueri.
Sano 97% jorhempericheri meiamunasïntisi tarjeta arhikatampu, imankuni sesi xanatajkasï meiampekua, ka notaru isku meiamunajkasï jorhempericha enki nosï anchikuarhijka o uarhikasia ka mataruecha euajpenarajkasï tumina imeri jimpo.
Anchikuastu enki unajka jintesti anaxutani isku motsekuechani jorhemperakuecheri, ka isï unsi enki jorhempericha kueratanaka. Ka tarjetización marhoakuasïnti jorhemperichani jimpoka sontkusï meiamunajka, ka tachani ampesï ujka jimpoka notaru xani kani tumina kamasïntisi.
Enki ukuarhijkia i mojtakukua, jorhempericha usïntisi erakuni banco arhikatani, jimpoka uatisï motseni enki nosï tsïtijka jima enki axamenakasi, ka uatisï uni portabilidad de nómina o cambio de banco isï.
Portabilidad kurajkuarhinasïnti banco arhikatarhu xajkani enki meiamunajkasï ma uenani, ka uenasïnti jima janoni ka menteru jima matarhurusï axaxhisïnti; ka cambio de banco kurajkuarhinasïnti SEE arhikatarhu exeparini cédula de dispersión, eranarhikupani banco jimanki uekanajka motseni. Ixu isï uakasi petanarhikuni cédula arhikata: https://bit.ly/3k4h5fm
