Inchamukuati Erechikua eratsekuarhu imankuni anchitakasï sesi nitamakua ka sesi pajperakua
2023-05-11 20:01:41
- Majku anchikuarhinati MejorEdu arhikatankuni
Morelia, Mich.- Anchikuechampu enki Secretaría de Educación del Estado (SEE) uantajka imankuni sesi nitamakua ka sesi pajperakua jauaka, untati ma jarhoajperakuankuni Comisión Nacional para la Mejora Continua de la Educación (MejorEdu) arhikatankuni.
Tankuarhikuarhu ma enki juramuticha SEE anapuecha untaka, MejorEdu uantasti enki menki jauenaka jarhoatauani eratsekuechankuni imankuni uakasi erojparhutani no sesi kantskuani, tachani eratsekuechampu.
Unasïntisia anchikuecha ka eratsekuecha, imankuni exeakasï nakiskisï no sesi kantskuecha enki santarusï ukuarhijka, ka isï sankani sankani, eratseni tatsekupakuechani enki uetarhejka uansï, ka isï chutani ini enki isï ukuarhenchajkasï, ka santaru ampakiti jorhenkuarhikua jauaka.
Juramuti Jorhenkuarhikueri Gabriela Molina Aguilar, menki jauenasïnti orhejtsïkuni anchikuechani jarhoajperakueri juramutichankuni kotsikueri, ka i marhoati jimpoka erankuatisï i Erechikuani kani enki anchikuecha unajka, ka isï unsi enki santaru sesi pajperakua ka nitamakua jauaka erechikuarhu.
