• 45 mil jorhempericha sapicheri eratsesïntisi menki jauenani sesi jorhenkuarhikuampu

Morelia, Michoacán, 25 de septiembre de 2023.- P'imarhtperakuankuni menki jauenani jorhenkuarhikuampu sesikua jinkoni, juramuti Jorhenkuarhikueri, Gabriela Molina Aguilar, p'orhempesti jorhemperakuani Primaria Gral. Lázaro Cárdenas, jimanki menki jauenajkasi sesi nitamakuani anchitani.

Jimpoka menki jauenajka p'orhempeani jorhemperakuechani, juramuti Secretaría de Educación del Estado (SEE) anapu nirasti jorhemperakuarhu enki colonia Colinas del Sur ixu anapueri jaka, jimanki jorhempericha menki jauenajkasi anchikuarhini, eski 45 mil jorhempericha enki jorhemperakuecharhu jaka.

Molina Aguilar iapurhu isï jamasti ka uantontskuarhisti jorhemperichankuni ka jorhenkuarhirichankuni enki sesi nitamakua jinkoni ujkasi ampe eski uantontskuarhikuecha, jorhenkuarhikuecha, p'antojkukua urani mantani lunes ka pirerichani ma enki sesi nitamakua jimpo pirejkasi.

Jorhemperakuarhu isï enki iamintuecharhu, enki ixusï jaka, iamintuecha enki nitamajkasï sesikua jinkoni anchinuarhisïntisi ka uni isï anchitani kaxumpekuani, majku nitamakuani, jimpoka jurhiatikuecha enki nitamakasia nirasti Lagunillas imeri pirerichankuni.

Jintestisï 370 jorhenkuarhiricha, tachani jorhempericha ka anchikuarhiricha enki nitamajkasï i jorhemperakuarhu, enki tachani anchikuechankuni sesi irekua jimpo uaxastakasia.